بو دنیا فانی دیر فانی، بو دنیاده قالان هانی
داود اوغلو سلیمانی، تخت اوستوندن سالان دنیا
سنین بهره ن یین کیم دیر؟ کیمینکی سن ؟ییه ن کیم دیر
سنه دوغرو دییه ن کیم دیر؟ یالان دنیا یالان دنیا
سنی فرزانه لر اتدی، قاپیپپ دیوانه لر توتدی
کیمی الدی کیمی ساتدی، ساتان دنیا الان دنیا
اتی ازل داغا سالدیق ، یورولدوقجا دالی قالدیق
اتی ساتدیق اولاغ الدیق، یه هر اولدی پالان دنیا
بیری اینا بیری پاسدیر، بیری ایدین بیری کاسدیر
گئجه طوی دیر سحر یاس دیر، گول اچدیقدا سولان دنیا
ایگیت لرین باشین یئیه ن، قوجالار بوز باشین یئیه ن
قبیر لرین داشین یئیه ن، ئوزو یئنه قالان دنیا
نه قاندین کیم گول اکندیر، کیم قیلیج تک قان توکندیر
تیمور هله کوره کن دیر، چنگیز جانین الان دنیا
امان قورقو ییغیلایدین، طوفانلاردا بوغولایدین
نولیدی بیر داغیلایدین، بیزی درده سالان دنیا
چاتیب سندن کوچن کچدی، اجل جامین ایچه ن کئچدی
اولان اولدی کئچن کئچدی، نه ایستیردین اولان دنیا
بوغولایدین اولان یئرده، دوغوب خلقی بوغان یئرده
اوغول نعشین اوغان یئرده، انا زولفون یولان دنیا